कन्नड अभिनेता पुनीत राजकुमारको ४६ वर्षको उमेरमा आज शुक्रवार निधन भएको छ । हृदयाघातका कारण अभिनेता पुनीत राजकुमारको निधन भएको बेङ्गलुरु अस्पतालले बताएको भारतीय सञ्चारमाध्यमले जनाएको छन् । उनको निधनमा कर्नाटकका मुख्यमन्त्री बसवराज बोमईले शोक व्यक्त गर्नुभएको छ । पुनीतको निधनमा राजनीतिज्ञ, कलाकार र क्रिकेटरहरूले पनि शोक व्यक्त गरेका छन् ।

अभिनेता पुनीतको निधनपछि कर्नाटक राज्यमा सबै थिएटर बन्द गरिँदै गएको भारतीय सञ्चारमाध्यमले जनाएका छन् । उनको निधनपछि समर्थकहरूको निकै ठूलो भिड लागेको र त्यसलाई नियन्त्रणमा लिन प्रहरी नै परिचालन गरिएको बताइएको छ ।

पछिल्लो पटक पुनीत फिल्म ‘युवरत्ना’ मा देखिएका थिए ।