महेन्द्रनगर । अवैध लागूऔषधसहित प्रहरीले बेल्डाँडी गाउँपालिका–२ स्थित सडकबाट एक जनालाई पक्राउ गरेको छ। नियन्त्रित लागूऔषध नाईट्राभेट ९४ ट्याब्लेट र ७ सय २० मिलिग्राम खैरो हेरोइन जस्तो देखिने पदार्थसहित बेदकोट नगरपालिका–७ बसन्तपुरका २७ वर्षीय घनश्याम पन्तलाई पक्राउ गरिएको प्रहरीले जनाएको हो ।

वेलडाँडी गाउँपालिका–१ कालीकाबाट आउँदै गरेको म१प ६२४३ नम्बरको मोटरसाइकललाई प्रहरीले जाँच गर्ने क्रममा मोटरसाइकलमा सवार पन्तलाई उक्त परिमाणको लागूऔषधसहित फेला पारी पक्राउ गरेको प्रहरीले जनाएको छ। उनलाई पक्राउ गरेर थप अनुसन्धान थालिएको प्रहरीको भनाइ छ।