काठमाडौं -पछिल्लो २४ घण्टामा संक्रमितभन्दा निको हुने व्यक्तिको संख्या बढी देखिएको छ। थप ४ हजार ९०४ जनामा संक्रमण पुष्टि हुँदा ५ हजार ९२४ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ।

यो सँगै नेपालमा निको हुने व्यक्तिको संख्या ८ लाख ४८ हजार ३६० पुगेको छ। यसअघि शुक्रबार ५ हजार ४३२ जना व्यक्ति संक्रमणमुक्त भएका थिए। गत २४ घण्टामा ६ जना संक्रमितको मृत्यु भएको छ। देशभर हाल ८७ हजार ३२९ जना सक्रिय संक्रमित छन्।