आइतबार सुनको मूल्य थप ४०० रुपियाँले घटेको छ । नेपाल सुनचाँदी व्यवसायी महासंघका अनुसार अघिल्लो शुक्रबार अधिकतम तोलामा ९०० रुपियाँले घटेको थियो । आज बजारमा छापावाला सुन प्रतितोला ९२ हजार २०० रुपियाँमा कारोबार भइरहेको महासंघले जनाएको छ ।

यस्तै, आज तेजाबी सुनको मूल्य समेत तोलामा ४०० रुपियाँले नै घट्दै ९१ हजार ७०० रुपियाँमा कारोबार भइरहेको महासंघले जनाएको छ । यता चाँदीको मूल्य भने गत शुक्रबारको मूल्यमा तोलामा १५ रुपियाँले घट्दै आज एक हजार २५० रुपियाँमा कारोबार भइरहेको महासंघले जनाएको छ । गत शुक्रबार चाँदी प्रतितोला एक हजार २६५ रुपियाँमा कारोबार भएको थियो ।