कैलालीमा होटल भित्रै एक जना मृत भेटिएका छन् । जिल्लाको घोडाघोडी नगरपालिका वडा नं १ का अन्दाजी ३५ वर्षीय साधन डान होटल भित्रै मृत भेटिएका हुन् । उनी गौरीगंगा नगरपालिका वडा नं ४ राजीपुरमा रहेको गहतेगडा होटेलमा मृत अवस्थामा फेला परेको जिल्ला प्रहरी कार्यालय कैलालीले जनाएको छ ।

माघ ३ गतेदेखि सोही होटेलमा बस्दै आएका डान शनिबार ओछ्यानमै घोप्टिएको अवस्थामा मृत फेला पारिएको कैलालीका डिएसपी वेदप्रकाश जोशीले बताए । मृत्युको कारण भने खुल्न सकेको छैन । यस बिषयमा थप सोधपुछ र अनुसन्धान भइरहेको डिएसपी जोशीले बताए ।