काठमाडौं । प्रत्येक वर्ष माघ १६ गते मनाइने शहीद दिवसको अवसरमा प्रधानमन्त्री शेरबहादुर देउवा शहीद स्मारक लैनचौर पुगेका छन्। काठमाडौं महानगरपालिकाले गरेको आयोजनामा सरिक भएका प्रधानमन्त्री देउवाले शहीद स्तम्भमा माल्यार्पण गरेका छन्।
प्रजातन्त्र स्थापना एवं पुनःस्थापना तथा विभिन्न कालखण्डका स्वतन्त्रताका लागि जीवन अर्पण गर्ने सहिदको सम्झनामा विविध कार्यक्रम गरी आज देशभर मनाइँदै छ। यस दिन हुने औपचारिक कार्यक्रममा जिम्मेवार अधिकारीहरूबाट सहिदको सपना पूरा गर्ने प्रतिबद्धता व्यक्त गरिँदै आएको छ। माघ १० देखि १६ गतेसम्म विभिन्न कार्यक्रमका साथ शहीद सप्ताह मनाउने घोषणा गरी विविध कार्यक्रम हुँदै आएको छ।
प्रतिक्रिया दिनुस