कञ्चनपुर । आज नेपाल कम्युनिष्ट पाटी(विप्लव)ले कञ्चनपुरको महेन्द्रनगर सहित देशभर बिरोध प्रर्दशन गर्न लागेको छ । पाटी केन्द्रको आयोजना अनुरुप कञ्चनपुर महेन्द्रनगरमा पनि दिउँसो १ः३०बजेतिर बिरोध प्रर्दशन गर्न लागेको हो ।
नेकपा विप्लव जिल्ला इन्चार्ज विष्णूप्रकास उपाध्याय(बिराट)ले एमसीसी परियोजना राष्ट्रघाती भएकाले केही दलाल समुह सकृय भएकाले अमेरिकी षड्यन्त्र रोक्नका लागि प्रर्दशन गर्न लागिएको बताए ।
इन्चार्ज बिराटका अनुसार महेन्द्रनगर ट्राफिक चोकदेखि शुरु भई प्रशासन हुँदै बजार भएर मदन चोकमा पुगेर कोण सभा गरेर समापन हुने कार्यक्रममा उपस्थितिका लागि नागरिकमा अपिल गरेका छन ।
विप्लवले पहिल्यैदेखि एमसीसी बिरुद्धमा संघर्ष गर्दै आएको र अमेरिकामा फेरी डोनाल ट्राम्प राष्ट्रपतिमा निर्वाचित भएपछि एमसीसी परियोजना रद्द गरेपनि फेरी ब्युँताउन खोजिएको भन्दै विप्लव त्यस बिरुद्धमा सडकको बाघ भएर संघर्षमा उत्रिएको छ ।