किशोर तामाङ
पुनर्वास ०२ भदौ २०८२, सशस्त्र प्रहरी बलले भारतबाट अवैध रूपमा आयात हुने बोईलर कुखुरा र सेतो अण्डा बरामद गरी नष्ट पार्ने क्रम तीव्र बनाएको छ ।
कञ्चनपुरको दक्षिणी भेग स्थित नेपाल भारत सिमावर्ती क्षेत्र पुर्नवास नगरपालिका वडा नं.– ४ तिमिल्सिना चोक बाट भारतबाट अवैद्य रुपमा नेपाल भित्र्याई बेवारीसे अबस्थामा रहेको सु.प.प्र ०१–०१३प.¬¬.१२९६ नम्बरको मोटरसाईकल सहित १०५ के.जि. प्रतिबन्धित बोईलर कुखुरा र ८ क्रेड सेतो अण्डा बरामद गरी सशस्त्र प्रहरीले आज नष्ट गरेको छ ।
सशस्त्र प्रहरी बल सीमा सुरक्षा गुल्म बेलौरीबाट खटिएको सहायक प्रहरी नायव निरिक्षक श्यामु रानाकोे मोटरसाईकल गस्ती र आपताल बि.ओ.पि. बाट खटिएको अन्तराम कार्कीकोे संयुक्त मोटर साईकल.गस्तीे टोलीले पुर्नवास नगरपालिका वडा नं.– ४ तिमिल्सिना चोक बाट उक्त मोटरसाईकलमा कुखुरा सहितको सेतो अण्डा बरामद गरी नष्ट गरेको हो ।
बरामद गरेको कुखुरा पुनर्वास न.पा. वडा नं. ४ का वडाअध्यक्ष मनोज जैशीको साथमा स्थानीय जनप्रतिनिधि र संचारकर्मीहरुको रोहवरमा नष्ट गरिएको र मोटरसाईकल त्रिनगर भन्सार पठाएको सशस्त्र प्रहरी बेस क्याम्प आमतालका ईन्चार्ज सशस्त्र प्रहरी निरिक्षक टिका रावलले जानकारी दिनुभयो ।
भारतका विभिन्न प्रान्तमा देखिएको बर्डफ्लु जोखिमका कारण पनि अवैध आयात नियन्त्रण आवश्यक भएको पुनर्वास ४ का वडा सदस्य रमन घिमिरेले बताउनुभयो।
सशस्त्र प्रहरी बलले अवैध वस्तु तथा तस्करी नियन्त्रणका लागि सीमावर्ती क्षेत्रमा नियमित निगरानी गर्दै आएको बताइएको छ । अबैध रुपम भारतीय कुखुरा नेपाल भित्रयाउदा नेपाली किसान मर्कामा पर्दै आएका थिए ।