बेलडाँडी । बेलडाँडी गाउँपालिका उपाध्यक्ष शान्ति नाथ आफैं धामी–झाँक्री बन्दै हिँड्ने, दोहोरो–तेहरो सुविधा खोज्ने, अध्यक्षलाई ज्यान मार्ने धम्की दिनेदेखि गाडी दुरुपयोगको विवादसम्ममा संलग्न भएको घटनाले पालिकामा चर्को विवाद निम्त्याएको छ ।
उपाध्यक्ष नाथले गाडी दुरुपयोग भएको भन्दै आरोप लगाएको दिनमै उनी आफैं सोही गाडी प्रयोग गर्दै शोभा तालको तीजको दर (पाटी) खाने कार्यक्रममा गाडी प्रयोग गरेर गएको प्रमाण फेला परेको छ । गाउँपालिका जनप्रतिनिधि र कर्मचारीसहितको टोली लिएर शोभा ताल पुगेकी उपाध्यक्ष नाथले गाडी दुरुपयोग भएको भन्नु र आफैं पाटीमा प्रयोग गर्नुमा दोहोरो चरित्र देखिएको जनप्रतिनिधिहरूको टिप्पणी छ ।
सोही घटनापछि उनले गाउँपालिका अध्यक्ष हरिशचन्द्र रानाको नाममा इन्ट्री भएको गाडीको चावी कब्जा गर्दै अध्यक्षलाई ज्यान मार्ने धम्कीसमेत दिएकी थिइन् । धम्की दिएको दोस्रो दिन उपाध्यक्ष नाथले बेलडाँडी घर भएका पत्रकारहरुलाई र प्रेस युनियनका पत्रकारहरुलाई पाखा लगाउदै आफ्नै कार्यकक्षमा पत्रकार सम्मेलनसमेत गरेकी थिइन् । सम्मेलनमा उनले गाडीमा चुरोटको डब्बा भेटिएको र दैजिको रेग्मी होटलमा राति गाडी देखिएको दाबी गरिन् ।
तर, गाडी चालकका अनुसार सो दिन गाडी शोभा ताल गएर उपाध्यक्ष नाथसहित टोलीलाई पुर्याएको, पछि उपाध्यक्षकै आग्रहमा गाउँपालिका प्रवक्तालाई महेन्द्रनगर पु¥याएर घर फर्किएको मात्र हो । चालकले चुरोटको डब्बा भेटियो भन्ने आरोप अस्वीकार गर्दै अध्यक्ष राना कहिल्यै चुरोट, सुर्तीजन्य गुटखा वा रक्सी सेवन नगर्ने व्यक्ति भएको प्रष्ट पारे ।
यसै प्रसंगमा अध्यक्ष रानाले भने, “यदि कुनै मेसिनले १–२ वर्ष यता देखि आज सम्मको अल्कोहल वा चुरोट सेवनको ल्याब रिपोर्ट निकाल्न सक्छ भने मेरो र उपाध्यक्ष नाथ दुवैको रिपोर्ट निकालौं । म चुरोट–रक्सी नखाने मान्छेलाई चुरोटको डब्बा भेटियो भन्नु आरोप बाहेक केही होइन । धन्नै ब्राउन सुगर हालिदिएनन् !” भन्दै भावुक बने ।
अध्यक्ष रानाले गाडी दुरुपयोगबारे भने, “गाडी मेरो नाममा इन्ट्री भए पनि उपाध्यक्ष नाथले जबर्जस्ती माग्दै प्रयोग गर्ने र एकपटक त पत्रकारहरुले महेन्द्रगरमै बोका सहित दुरुपयोग गरेको भेटेको खवर वितितै भएको बताए । उपाध्यक्षले दुरुपयोग गर्ने डरले त्यो गाडी प्रमुख प्रशासकीय अधिकृतलाई दिने गरिएको छ । स्पष्ट स प्रमाण गाडी दुरुपयोग त उपाध्यक्षले नै गरेका छैनन् र ?”
उनले थपे – “गाडीमा कसले श्रीमती बोक्यो, कसले घाँस बोक्यो भन्ने विषयमा पनि अनुसन्धान हुन्छ ।”
यता उपाध्यक्ष नाथले पालिकाभित्र मिडियाले ४५ लाख खाएको भन्ने आरोप लगाएकी थिइन् । तर अध्यक्ष रानाले आफ्नो कार्यकालमा त्यस्तो कुनै अनियमितता नभएको प्रष्ट पारे । उनका अनुसार अघिल्लो सरकारले स्थानीय पाँचवटा मिडिया फर्मसँग विज्ञापन प्रकाशनका लागि सम्झौता गरेको सुनेको भए पनि पैसा पत्रकारले मनपरी खाएको जस्तो प्रचार गर्नु निराधार भएको बताए ।
अध्यक्ष रानाले भने, “गाउँपालिकामा पैसा बाकसमा राखिएको हुन्छ, पत्रकारले मन लागे जति खान्छ भन्ने प्रतिशोध साध्ने मानसिकता हो । मिडिया हाउसलाई त्यतिकै खानका लागि पैसा दिन हाकिम, लेखा, अनुगमन समिति, कार्यपालिका बहुलाएको छ र ? हामीले गत वर्ष पनि राष्ट्रियस्तरकै विज्ञापन ठेक्का खोलेका थियौं । त्यसरी मिडियाले पैसा खाएको भन्ने कुनै आधार छैन ।” गत स्थानीय सरकारले पनि विज्ञापन प्रकाशनका लागि कार्यपालिकामै निर्णण गरेको स्पष्ट पारे अनि त्यसलाई खायो कसरी भन्ने ?
आफुले एकपछि अर्को काण्ड गर्दै जाने मिडियाले लेख्यो कि उ मेरो पछि लागेको छ भन्ने कु प्रचार गर्ने, हामी केहि जनप्रतिनिधीले नक्साको सडकमा पर्ने घर हटायौं, उ उपाध्यक्षको तीन तले बंला अहिले पनि नक्साको बीच सडकमा छ, के उसले त्यो घर हटाउनु पर्दैन न ? उसमा जनप्रतिनिधीको नैतिकता भए स्वयम सार्वजनिक सम्पति हड्पेको छोड्नुको साटो अझ कब्जा गर्ने ? यो कस्तो नैतिकता हो बेलडाँडी बासीले बुझ्न जरुरी भएको प्रष्ट पारे ।
यस्तै, अध्यक्ष रानाले उपाध्यक्षबाट पटक–पटक ज्यान मार्ने धम्की आएको भन्दै चिन्ता व्यक्त गरे । “म पालिकामा आएदेखि आफ्नो कार्यकक्ष र गोप्य कक्षमा सुरक्षाकै लागि सिसी क्यामरा राखेको छु, उपाध्यक्ष नाथ जहिले पनि झम्टिन खोज्ने प्रवृत्ति भएकाले म बच्नकै लागि यस्तो गरेको हुँ ।” उनले भने, “कसको गोप्य कक्षमा क्यामरा हुन्छ ? देखाइदिनुस् ।” मैले गोप्य कक्षामा क्यामेरा राख्न बाध्य भएको उनले बोलाएकै पत्रकारहरुलाई जवाफ दिएका छन् ।
उनले उपाध्यक्षको कार्यशैलीप्रति पनि असन्तोष जनाउँदै भने, “हामीले गरेका निर्णयमा उनी ४,६ दिनपछि असहमति जनाउँछिन्, तर बैठकमा भने हस्ताक्षर गर्छिन् । यो नैतिकता होइन । पढेलेखेको मान्छे भए यस्तो समस्या आउँदैनथ्यो, ‘क को बाउ ख नजान्ने’ लाई जनप्रतिनिधि बनाउँदा यसको दुःख हामी जनप्रतिनिधी कर्मचारी लगायत सबै बेलडाँडीबासीले भोगिरहेका छन् ।”
अन्त्यमा अध्यक्ष रानाले भने, “उपाध्यक्ष सुध्रिन्छिन् भन्ने आशै आशमा ३ बर्ष बित्यो, अव त झन उल्टै ज्यान मार्ने धम्की आइरहेको छ । अब कानुनी प्रक्रिया अपनाउनु बाहेक विकल्प छैन ।” भन्दै भावुक भएका छन् ।