भोजराज जोशी
गुलरिया
कृष्णपुर नगरपालिकामा अखिल नेपाल महिला सङ्घ क्रान्तिकारीको दोस्रो नगर सम्मेलनले लीलादेवी पन्तलाई संयोजक चयन गरेको छ। अखिल नेपाल महिला सङ्घ क्रान्तिकारीको दोस्रो नगर सम्मेलनबाट पन्तलाई आगामी दुई वर्षे कार्यकालका लागि संयोजक चयन गरेको हो।
कृष्णपुर नगरपालिकामा बुधबार भएको नगर भेलाबाट १३ सदस्य कार्यसमिति चयन गरिएको छ। रोजना खत्रीको अध्यक्षतामा भएको नगर भेलाले चयन गरेको नयाँ कमिटीको सह संयोजकमा सुनमती धामी, सचिवमा महना भण्डारी, सहसचिवमा विष्णा चौधरी, कोषाध्यक्षमा देवकी नेगी र सदस्यहरूमा लक्ष्मी धामी सपना चौधरी, चित्रा रावल, रजनी राना, जयन्ती बाराही, सीता बिष्ट र पार्वती डगौरा चयन भएका छन्।
कृष्णपुर नगरका सबै वडाका प्रतिनिधि तथा परिवेक्षकहरूको सहभागितामा भएको दोस्रो नगर सम्मेलनको प्रमुख अतिथिमा अनिम संघ क्रान्तिकारीकी प्रदेश कमिटी सहसचिव दुर्गा भट्ट रहनुभएको थियो। कार्यक्रममा जिल्ला अध्यक्ष शान्ति शाही लगायतका महिला नेतृहरुको उपस्थिति रहेको थियो।