सुनिल राना
कञ्चनपुर,
चुरे सरक्षण सञ्जाल नेपालले बार्षिकोत्सव कार्यक्रम सार्वजनिक सुनुवाई कार्यक्रम गरेको छ । बिहीबार बेदकोटको रौटेलामा १७औँ बार्षिकोत्सव एव सार्वजनिक सुनुवाई कार्यक्रम गरेको हो । कार्यक्रममा गत विगतका बर्षहरुमा सरक्षणका क्षेत्रमा कामकाज गरेका प्रगति प्रतिवेदन प्रस्तुत गर्दै चुरे सरक्षण सञ्जाल नेपालका कार्यक्रम व्यवस्थापन करन भट्टले थुप्रै कार्यक्रम भएको बताए । उनका अनु्सार वन, पर्यावरण, बन्यजन्तुको सरक्षण, प्रर्बद्धन, सम्र्बद्धनका साथै उपभोक्ताहरुको हकहितका लागि थुप्रै कार्यक्रम गरेको जनाएका छन । आगामी आर्थिक बर्ष ०८२÷०८२का लागि २करोड ६०लाख बराबरको बजेट समेत प्रस्तुत गरेका छन । बार्षिकोत्सवमा स्वागत मन्तव्य राख्दै चुरे सरक्षण सञ्जाल नेपालका सदस्य राजेन्द्र सिह भण्डारीले चुरे सरक्षणका लागि सञ्जालले थुप्रै सरक्षणका कार्यक्रम गरेकाले आगामी दिनमा पनि गर्ने भन्दै सरोकारवालाको साथ समर्थन आवश्यक रहेको औल्याए । लेखा सदस्य भोजराज जोशीले लेखा प्रतिवेदन प्रस्तुत गर्दै सञ्जालले लेखा पारदर्शीता राखेको बताए ।
कार्यक्रममा सरक्षणकर्मीहरुले चुरे सरक्षण सञ्जाल नेपालले कञ्चनपुर र डडेल्धुराको चुरे क्षेत्र बचाउनका लागि महत्वपूर्ण भूमिका निर्वाहका कामकाज गरेको भन्दै प्रसंसा गरेका छन । बैतडा सामुदायिक वनका अध्यक्ष तोयराज अवस्थीले सञ्जाल मार्फत दुई जिल्लाको चुरे सरक्षणमा टेवा पुगेको बताए । बच्छेला सामुदायिक वनका अध्यक्ष विष्णूराम दमाईले चुरे सरक्षणका साथै उपभोक्ताहरुलाई समेत सेवा दिनुपर्नेमा जोडदिए । तराई भूपरिधी कार्यक्रम(ताल)का सहजकर्ता शेर बहादुर चौधरीले चुरे सरक्षणका लागि सञ्जालसग समन्वय गरेर अघि बढने जनाएका छन । सामुदायिक वन उपभोक्ता राष्ट्रिय महासंघ नेपालका अध्यक्ष धर्मानन्द पन्तले स्थानीय सरकारले सरक्षणमा रहेका सामुदायिक वनमाथि अन्याय गरेको र सो कार्य रोक्न आग्रह गरेका छन । कार्यक्तमका प्रमुख अतिथि समेत रहेका डिभिजन वन कार्यालय कञ्चनपुरका प्रमुख रामविचारी ठाकुरले सरक्षणका क्षेत्रमा चुरे सरक्षण सञ्जाल नेपालको भूमिका निर्वाहमा जोडदिएका छन । कार्यक्रमको अध्यक्षता ग्रहण गरेका चुरे सरक्षण सञ्जाल नेपालका अध्यक्ष रविन्द्र कुँवरले चुरे सरक्षणको विकल्प नभएकाले जलवायु सन्तुलिन राख्न, प्राकृतिक विपदीबाट बस्ती जोगाउन चुरे सरक्षणको विकल्प नभएको बताए । कार्यक्रममा सञ्जालका पदाधिकारी, सदस्य एव सरक्षणकर्मीको सहभागिता रहेको छ ।