महाकाली राजमार्ग अवरुद्ध भएको छ। बैतडीको खोचलेक – गोकुलेश्वर सडकखण्डको दोगडाकेदार गाउँपालिका ४ खम्तोलामा दिउँसो २ बजेदेखि बिच सडकमा बस बिग्रिएकोले राजमार्ग अवरुद्ध बनेको हो।
महेन्द्रनगरबाट दार्चुला जान लागेको सु प्र प ०१ ००१ ख ९४८ नम्बरको बस बिच सडकमा बिग्रिदा राजमार्ग अवरुद्ध बनेको खोचलेक प्रहरी चौकीका इञ्चार्ज मोती बमले जानकारी दिए।
उनले भने, “ बसको स्टेरिंग लक भएर बिच सडकमै बिग्रिएको छ, मर्मतको लागी मिस्त्री बोलाएको त्यसपछि राजमार्ग सुचारु हुन्छ ” बिग्रिएको बस मर्मत हुन नसके ट्रेलर बोलाएको र त्यसले तानेर बसलाई साइड लगाएर राजमार्ग खोलिने बमको भनाई छ। राजमार्ग अवरुद्ध हुँदा सयौँ यात्रु अलपत्र परेका छन्।
प्रतिक्रिया दिनुस