संसद् विगठन पछि मुलुक अस्थिरताको तर्फ धकेलिएको भन्दै विभिन्न विरोधका कार्यक्रम निरन्तर भइरहेका छन्। यसै बिच पछिल्लो समय नेकपाका अध्यक्ष एवम् पूर्व प्रधानमन्त्री पुष्पकमल दाहाल प्रचण्ड समेत सडकमा धर्ना सहित मुलुकका विभिन्न क्षेत्रमा विरोध प्रदर्शनका कार्यक्रम गरिरहेका छन्।
शुक्रवार प्रचण्ड–नेपाल समूहले विराटनगरमा विरोध सभा गरेको छ। विरोध सभामा प्रधानमन्त्रीको कदम असंवैधानिक भएको भन्दै सच्याउन माग गरेका छन्। यसै बिच शनिवार (भोलि) प्रचण्ड धनगढीबाट गर्जिने भएका हुन्। प्रचण्ड– वरिष्ठ नेता माधव कुमार नेपालसहित सभालाई प्रदेश इन्चार्ज भीम रावल लगायतका अन्य नेताले पनि सम्बोधन गर्ने कार्यक्रम तय भएको नेकपा सुदूरपश्चिमले जनाएको छ।
नेकपाले धनगढीको खुलामञ्चमा भेलाको आयोजना गरेको छ। प्रतिनिधिसभा विघटन गर्ने प्रधानमन्त्री केपी शर्मा ओलीको कदम विरुद्ध सभा आयोजना गर्न लागिएको जनाइएको छ।