डडेल्धुरामा भरुवा बन्दुकसहित २ जना पक्राउ परेका छन्।जिल्लाको आलिताल गाउँपालिका वडा नम्बर ८ स्थित जंगामाला सामुदायिक वनबाट सोही वडाका २८ वर्षीय विनोद मास्के रानामगर र २६ वर्षीय भीमबहादुर बोहरा पक्राउ परेका हुन। भरुवा बन्दुक भिरेर जंगलमा घुमिरहेको अवस्थामा दुवैलाई पक्राउ गरिएको इलाका प्रहरी कार्यालय जोगबुढाका प्रहरी निरीक्षक रमेशदत्त अवस्थीले बताए।

पक्राउ परेका दुवैको साथबाट एक थान एकनाले भरुवा बन्दुक र फलामका छर्रा २६ थान फेला परेको उनले बताए।पक्राउपछि दुवैलाई जिल्ला प्रहरी कार्यालय डडेल्धुरा लगिरहेको प्रहरी निरीक्षक अवस्थीले बताए।