घाँस काट्न जंगलमा गएका बेला दार्चुलामा भिरबाट खसालेर एक महिलाको हत्या भएको प्रहरीले जनाएको छ। जिल्लाको नौगाड गाउँपालिका–६ धुलिगाडामा बर्ष २५ कि अम्मरा खत्रीलाइ सोही अन्दाजी २९ बर्षका अगबर सिह बोहराले भिरबाट धकेलेर हत्या गरेको दार्चुला प्रहरीले जनाएको हो।
बोहराले मंगलबार साँझ ५ बजेतिर पछाडीबाट लात्तिले हानी भिरबाट खसालेपछि खत्रीको घटनास्थलमै मृत्यु भएको प्रहरी नायव उपरिक्षक मनोहर प्रशाद भट्टले जानकारी दिए। महिलालाई लात्तीले हानी भिरबाट खसालेको भन्ने प्रारम्भीक अनुसन्धानले देखाएको उनले बताए। पछाडीबाट लात्ती हान्ने बोहराको मानसिक सन्तुलन ठिक नभएको बुझिएको प्रहरी नायव उपरिक्षक मनोहर प्रशाद भटटले जानकारी दिए। भिरबाट खसालेपछि अगबर सिह बोहरा फरार रहेको उनले बताए। फरार अभियुक्तको खोजी भइरहेको तथा घटनाबारे थप अनुसन्धान भइरहेको प्रहरी प्रहरी नायव उपरिक्षक मनोहर प्रशाद भट्टले जानकारी दिए।