घरायसी विवादका क्रममा कुटपिट गरेर बुहारी र नातीले एक बृद्धको हत्या गरेका छन्। कञ्चनपुरको भीमदत्त नगरपालिका–२ पशुपती टोल बस्ने ३५ वर्षीया सिता थापा र उनका छोरा १८ वर्षीय अर्जुनको कुर्टाइबाट ७६ वर्षीय प्रेम थापाको ज्यान गएको हो।
जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक अमर थापाका अनुसार माघ २८ गते घरायसी विवादका क्रममा चिर्पटले कुटपिट गरेपछि थापा गम्भीर घाइते भएका थिए। घाइते थापाको उपचारका क्रममा सोमबार महाकाली अस्पतालमा मृत्यु भएको प्रहरी नायब उपरीक्षक थापाले बताए। कुटपिट गर्ने बुहारी र नातीलाई नियन्त्रणमा लिएर अनुसन्धान भइरहेको प्रहरीले जनाएको छ।
प्रतिक्रिया दिनुस