बैतडीको पञ्चेश्वरमा बोलेरो जिप दुर्घटना हुँदा ५ जनाको घटनास्थलमै मृत्यु भएको छ। पञ्चेश्वर गाउँपालिका ६ रोडिदेवलको गणमेश्वर मन्दिर नजिकै जिप दुर्घटना हुदा ५ जनाको मृत्यु भएको छ भने तिन जना गम्भीर घाइते भएका छन्। आज चट्याङ लागेर मृत्यु भएका पञ्चेश्वर गाउँपालिका वडा नं ६ का वडा सदस्य गोविन्दसिंह भण्डारीको शव पोष्टमार्टमका लागि ल्याउँदै गरेको से १ ज १२३ नम्बरको जिप दुर्घटनामा परेको हो ।
जिप दुर्घटना हुँदा पञ्चेश्वर गाउँपालिका वडा नं ६ का ५० बर्षीय जीतसिंह भण्डारी, ३० वर्षीय डम्मरसिंह भण्डारी, २६ वर्षीय हिम्मत भण्डारी, ३४ वर्षीय दीपक भण्डारीको घटनास्थलमै मृत्यु भएको जिल्ला प्रहरी कार्यालयका प्रवक्ता प्रहरी निरीक्षक दर्शन खड्काले बताए। त्यस्तै जिप चालक गोपाल बोहराको अस्पताल लैजादै गर्दा बाटोमै मृत्यु भएको प्रहरीले जनाएको छ।
पञ्चेश्वर गाउँपालिका–६ रोडिदेवलको गणमेश्रर मन्दिर नजिकै जिप दुर्घटना भएको थियो। सडकबाट जिप करिब ५ सयस मिटर तल खसेको जनाइएको छ। दुर्घटनाको कारण भने खुल्न नसकेको प्रहरीले जनाएको छ।