महेन्द्रनगर । कञ्चनपुरमा एक घरमा गएराती आगलागी भएको छ । जिल्लाको सुक्लाफाँटा नगरपालिका–१२ कालागौंडीमा स्थानिय रामप्रसाद रानाको घरमा लागलागी हुदा करीव ८ लाख बराबरको क्षती भएको हो ।
टुकीबाट आगो सल्किएर आगलागी भएको पिडीत रानाले बताए । आगलागीबाट घरको काठसहित अन्न, फर्निचर, लुगाकपडा‚ महत्वपूर्ण कागजपत्र, गहना सबै जलेर नष्ट भएको वडा अध्यक्ष बाले रानाले जानकारी दिएका छन् ।
पीडित परिवार अहिले आफन्तको शरणमा बसेका छन्। ‘टुकी बालेर घरपरिवारका सदस्य अन्यत्र गएका बेला टुकी पल्टिँदा आगलागी भएको जानकारी पाएका छौं’ वडाध्यक्ष रानाले भने, ‘घर पुरै जलेर क्षति भएको छ।’ आगलागी भएको जानकारी पाउना साथ स्थानीय बासिन्दाले आगो निभाउने प्रयास गरे पनि नसकेको उनले बताए। नगरपालिकाको दमकल आगो निभेपछि मात्रै पुगेको स्थानीय बासिन्दाको भनाइ छ।
प्रतिक्रिया दिनुस