महेन्द्रनगर । कैलालीमा प्रहरी हिरासतमा एक अभियुक्त मृत अवस्थामा फेला परेका छन् । इलाका प्रहरी कार्यालय टीकापुरमा प्रहरी हिरासतमा रहेका जानकी गाउँपालिका–१ का ३५ वर्षीय धनबहादुर रानाको मृत्यु भएको प्रहरीले जनाएको हो ।

चौधरीलाई प्रहरीले राँगा चोरेको आरोपमा आइतबार पक्राउ गरेको थियो । उनले आइतबार राति आत्महत्या गरेको प्रहरीले अनुमान गरेको छ । प्रहरी नायब उपरीक्षक प्रकाश सापकोटाले थुनुवाको शौचालयमा गएर रानाले आत्महत्या गरेको बताए । रानाले शरिरमा लगाएको गञ्जी फुकाएर आत्महत्या गरेको प्रहरीले जनाएको छ । थप अनुशन्धान बाट खुल्ने जिल्ला प्रहरी कार्यालयले जनाएको छ ।