कञ्चनपुर, २२
किसानले बेचेको डाडो भैसी हाट बजारमा लैजाने क्रममा सशस्त्र प्रहरीले रोकेर भन्सार चलान गरेको छ ।
बेदकोट नगरपालिका क्षेत्रबाट खरिद गरेका भैसी मालाखेती पशु हाट बजारमा लैजाने क्रममा झलारीमा सशस्त्र प्रहरीले रोकेर भन्सार चलान गरेको हो ।
मालाखेतीका किसान बालकृष्ण भट्टराईले किसानले दुध दिन छाडेका भैसी बेच्नका लागि हाट बजार लैजाने क्रममा सशस्त्र प्रहरीले रोकेर सिधै भन्सार चलान गरेको बताए । ‘बेदकोट दैजी क्षेत्रबाट ल्याएका भैसी हामी हाट बजार लगिरहेका थियौँ, ‘उनले भने, ‘सशस्त्र प्रहरी आएर भैसी लग्ने मान्छेका मोबाईल थुतेर भन्सार पठाईदियो ।’ सशस्त्र प्रहरीले अन्य तस्कर समुह जस्तै किसानबाट खरिद गरेर हाट बजार लैजाने भैसी किसानसंग रकम अशुल्न खोजेर ज्यादती देखाएको उनको आरोप छ । ‘यो भैसी हामी न भारतबाट ल्याएका हौँ, न चोरेर किन ? शसस्त्र प्रहरीले विच बाटोमा आफ्नै गणमा पुग्ने क्रममा नियन्त्रणमा लिएर भन्सार पठायो ।’
एकातिर किसानलाई सरकारले कृषिमा आधुनिकीकरण आत्मनिर्भर बन्न भन्ने अर्कातिर भैसी बेच्न लैजाँदा खोसेर भन्सार चलान गर्ने सशस्त्र प्रहरीको रबैयाबाट किसान उत्साहित होईन दुरुत्साहित भईरहेको उनको भनाई छ । रकम नदिदा नै सशस्त्र प्रहरीले किसानका भैसी भन्सार चलान गरेको उनको आरोप छ । उनका अनुसार विगतमा पनि सशस्त्र प्रहरीले आफुहरुबाट रकम अशुल्नका लागि खोजेपनि प्रर्याप्त प्रमाण र किसानको साथ सर्मथन भएकाले अन्य तस्कर समुह जस्तै आफुहरुबाट रकम अशुल्ने कार्य असफल भएको बताए । सीमा क्षेत्रमा आँचाक्ली तस्करी हुँदा समेत सशस्त्र प्रहरी बल लाईन दिनेका समानतिर ध्यानै नदिने लाईन नदिनेमाथि लाईनकै लागि समात्ने तर, किसानले हाट बजारमा भैसी बेच्ने क्रममा अवरोध खडा गर्ने नियत नै ठिक नभएको किसानको दुखेसो छ ।
सशस्त्र प्रहरी बल ३५नम्बर गणका प्रमुख बिरेन्द्र ऐरले भैसी ओसार्ने व्यक्तिबाट रकम माग्ने कुरै नभएको बताए । भैसी किसानले सशस्त्रलाई रकम नदिदा बार्किनिङ्ग नमिल्दा भैसी भन्सार चलान गरेको हो, भन्ने प्रशनमा उनले ‘त्यो गलत आरोप भएको बताए । ‘काम गर्दा अनेकन लान्छाना लगाउने गर्छन, ‘उनले भने, ‘मान्छे सहित हामीले भन्सार चलान गरेका छौँ । तिनीहरुले भन्ने कुरा अलग हो, तीन मान्छे समेत हालेका छौँ । दुई भारतीय एक नेपाली हुन ।’ सशस्त्र प्रहरीले किसानलाई रकम नदिएको झोकमा बेच्न लैजाने क्रममा भैसी भन्सार चलान गरेको किसानले प्रशासनसंग समेत गुनासो पोखेका छन । कञ्चनपुरका निमित्त प्रमुख जिल्ला अधिकारी अशोक भण्डारीले किसानले सशस्त्र प्रहरीले दुख दिएको गुनासो आफुसंग समेत गरेको बताए । ‘किसानले आफुसंग पनि यो गुनासो पोखेका छन, ‘उनले भने, ‘यस विषयमा थप के रहेछ बुझौँला ।’ सशस्त्र प्रहरीले यसमा असल काम गरेको हो, वा नियत गलत राखेर गरेको हो, यो सशस्त्रलाई नै थाहा हुने भयो, तर कानुन अनुरुप ओसार्ने काम भएको छ, वा छैन भन्ने विषयमा अर्ध न्यायिक निकाय भन्सारले छिनोफानो गर्छ ।’