प्रहरीले कैलालीमा लागुऔषध सहित ३ जनालाई पक्राउ परेका छन । जिल्लाको धनगढी उप-महानगरपालिका वडा नम्बर ३ मिलनचोकबाट उनीहरुलाई लागुऔषधसहित प्रहरीले पक्राउ गरेको हो । पक्राउ पर्नेमा कैलालीको गोदावरी नगरपालिका-५ का २२ बर्षीय पुस्कर सुनार, २७ बर्षीय टेकराज भट्ट र रुपन्देही बुटवल उप-महानगरपालिका-६ घर भई हाल धनगढी उपमहानगरपालिका ३ मा कोठा गरी बस्ने २५ बर्षीय शुभम क्षेत्री रहेको जिल्ला प्रहरी कार्यालय कैलालीले जनाएको छ ।
उनीहरुको साथबाट खैरो हिरोइन २५० मिलीग्राम, नाइट्राभेट ११९ ट्याब्लेट, प्रोक्सीवेल स्पास २३ क्याप्सुल बरामद गरिएको कैलालीका डिएसपी प्रतीक विष्टले बातए। पक्राउ परेका सबैमाथि थप अनुसन्धान भइरहेको उनले बताए । वडा प्रहरी कार्यालय धनगढीबाट खटिएको प्रहरी टोलीले शंकास्पद रुपमा हिडडुल गरी रहेको अवस्थामा उनीहरुलाई पक्राउ गरेको हो । उनीहरुमाथि लागुऔषध शिर्षक मुद्दामा मुद्दा दर्ता गरी थप अनुसन्धान कार्य भइरहेको जिल्ला प्रहरी कार्यालय कैलालीले जनाएको छ ।