नेकपा माओवादी केन्द्रको प्रथम सुदूरपश्चिम प्रदेश सम्मेलन आज हुँदैछ । माओवादी केन्द्रले गर्ने राष्ट्रिय सम्मेलनको पुर्व आज देखि प्रदेश सम्मेलन गर्न लागेको हो । धनगढीमा हुने प्रदेश सम्मेलको सम्पुर्ण तयारी पुरा भएको शुक्रबार धनगढीमा पत्रकार सम्मेलनको आयोजना गर्दै माओवादी केन्द्रले जनाएको छ ।
मंसिर २५ र २६ गते हुने प्रदेशको प्रथम सम्मेलनको तयारी पुरा भएको माओवादी केन्द्र सुदूरपश्चिम इञ्चार्ज खगराज भट्टले जानकारी दिए । प्रदेश सम्मेलनको उद्घाटन पार्टीका केन्द्रीय अध्यक्ष पुष्पकमल दाहाल प्रचण्डले गर्ने कार्यक्रम रहेको उनले बताए । अबको सम्मेलनले प्रदेशको नीतिगत तथा भौतिक विकासमा समेत भूमिका खेल्ने प्रदेश इञ्चार्ज भट्टको भनाई छ । सुदूरपश्चिममा माओवादी केन्द्रका ११ सय बढी प्रतिनिधि छन् । सम्मेलन मार्फत नयाँ प्रदेश कमिटी चयन हुनेछ ।
माओवादी केन्द्रले राष्ट्रिय सम्मेलन पुस ११ देखि १३ गते सम्म गर्दैछ ।