नरेश राना

कञ्चनपुर । कञ्चनपुरको लालझाडीमा गएराति जंगली हात्तीको बथानले एक स्थानीयको घर भत्काएको छ । लालझाडी वनबाट १०÷१२ को संख्यामा गाँउ पसेका हात्तीको बथानले घर भत्काएको हो । लालझाडी गाँउपालिका ०४ सिकलपट्टीका धर्मानन्द भट्टको घर भत्काएको हो ।

घरमा बर्षभरी खानका लागि राखिएको रासन खाएर समेत हात्तीले नष्ट गरेको छ । हात्तीको आतङ्कबाट घरका सदस्यले घरबाट भागेर ज्यान बचाउन सफल भएको हात्तीपिडित धर्मानन्द भट्टले बताए । हात्तीले बस्ने घर भत्काएपछि भट्टको परिवार विचल्लीमा परेका छन ।

घरको क्षति घरमा बर्षभरी खानका लागि राखिएको खाद्य चामल लगायतका सामाग्रीहरु एक लाख बराबरको क्षति भएको लालझाडी गाउँपालिका ४ नम्बरका वडाअध्यक्ष बहादुर रानाले बताए । केही बर्षदेखि कञ्चनपुरमा जंगली हात्तीले मानविय तथा भौतिक क्षति गर्दैछन ।