काठमाडौँ —उच्च अदालत पाटनले काठमाडौं महानगरपालिकाका प्रहरी प्रमुख राजुनाथ पाण्डेको निलम्बन कार्यान्वयन नगर्न अन्तरिम आदेश जारी गरेको छ । न्यायाधीश ऋषि राजभण्डारी र डिल्लीरत्न श्रेष्ठको संयुक्त इजलासले बुधबार निलम्बनको निर्णय कार्यान्वयन नगर्न र सोही पदमा काम गर्न दिन आदेश दिएको उच्च अदालत पाटनकी सूचना अधिकारी पार्वती हितानले बताइन्  आदेशमा भनिएको छ, ‘निलम्बन गरिएको पत्र कार्यान्वयन नगरी यथास्थितिमा राखि निवेदकलाई निजको पदमा रही कामकाज गर्न दिनु ।’