रमेश पन्त,
नेकपा एकीकृत समाजवादी कञ्चनपुरका युवा नेता एव जनप्रतिनिधी महेश जोशीलाई युवा संघ सुदूरपश्चिम प्रदेश संयोजकको जिम्मेबारी दिएको छ । समाजवादी निकट युवा संघ नेपाल केन्द्रीय समितिले जोशीलाई युवा संघ सुदूरपश्चिम प्रदेश संयोजकको जिम्मेबारी दिएको हो ।
समाजवादी बेदकोट नगरका अध्यक्ष, बेदकोट नगरपालिका ८का वडाध्यक्ष समेत रहेका जोशीलाई संगठनले प्रदेश संयोजककै जिम्मेबारी दिएको जनाएको छ । लालपुर्जा बिहिन जनतालाई जमिनको मालिक बनाउने काममा जुटेका वडाध्यक्ष जोशीलाई पाटी संगठनले थप जिम्मेबारी दिएपछि नेता कार्यकर्ताहरु काम गर्ने युवा भनेर हर्षित भएका छन, भने उनका वडाका जनता कतै अब युवा संगठनको जिम्मेबारीले लालपुर्जा वितरण अभियानमा असर त पर्ने होईन भन्ने चिन्तामा छन । पुर्व युवा विद्यार्थी नेतादेखि वडाध्यक्षकोे जिम्मेबारीमा आउँदासम्म जोशीले पाएका जिम्मेबारी कुलसलतापुर्वक निर्वाह गरेपछि उनीमाथि नेता कार्यकर्ता पाटी संगठनको थप विश्वास बढेको छ । युवा संघ सुप प्रदेशको संयोजकको जिम्मेबारी पाएका महेश जोशी पाएकोे जिम्मेबारी निर्भिकताका साथ पुरा गर्दै युवाहरुको हक अधिकारका क्षेत्रमा काम गर्ने प्रतिज्ञा गरेका छन ।