महेन्द्रनगर

ब्रह्मा कुमारीज राज योग सेवाकेन्द्र महेन्द्रनगरले कृष्ण जन्माष्टमीको पुर्व सन्ध्यामा आज कंचनपुर जिल्लाका बिभिन्न पालिका हरुमा राधाकृष्णको चैतन्य झाँकी प्रदर्शन गरेको छ । राजयोग प्रशिक्षण केन्द्र गुलरिया र झलारीमा विभिन्न विद्यालयका बालबालिकाहरुलाई राधाकृष्ण, गोपि गोपिनी, लक्ष्मी नारायणको रुपमा सुसज्जित गरि नृत्य तथा झाँकी प्रस्तुत गरिएका छन् । जन्माष्टमी विशेष झाँकीहरुको उद्घाटन गर्दै राजयोग सेवा केन्द्र महेन्द्रनगर कि मुख्य निर्देशिका ब्रह्मा कुमारी महिमा दिदिले श्रीकृष्णको जीवनबाट कर्मयोग र कर्तव्यपरायणता, मित्रता र सम्बन्धको महत्त्व, समस्याको सामना र रणनीति, तथा सन्तुलित जीवन र अहंकारको त्यागका साथै विपरित परिस्थितिमा पनि सकारात्मक बानीको बिकास गर्न सहयोग गर्ने वताउनु भयो । कार्यक्रममा शुक्लाफाँटा नगरपालिकाका उपप्रमुख कल्पना कुमारी पन्त, एकल महिला अधिकारकर्मी पदमा ओझा लगायतका कृष्णपर र शुक्लाफाँटा नगरपालिकाका महिला अधिकारकर्मी दिदि बहिनि तथा आध्यात्मिक दाजुभाइ हरुको उपस्थित रहेको थियो । कार्यक्रममा सहभागी हरुलाई राजयोग सेवाकेन्द्र उपशाखा गुलरियाकी संचालिका ब्रह्मा कुमारी चन्द्रा दिदि र झलारी उपशाखा कि संचालिका पवित्रा दिदिले स्वागत गर्नु भएको थियो ।