महेन्द्रनगर ।

नेपाल राष्टिय समाज कल्याण संघ NNSWA कञ्चनपुरको २६ औ वार्षिक साधारण सभा आज सम्पन्न भएको छ । समतामुलक समाजका लागि हातेमालो गरौ भन्ने मुल नाराका साथ नेपाल राष्ट्रिय समाज कल्याण संघ कंचनपुरले २६ औ वार्षिक साधारण सभा आज भिमदत्तनगर अन्तरगत आफनै सभाहलमा सम्पन्न गरेको हो ।

उक्त कार्यक्रमको सभाध्यक्षमा माया सार्की र प्रमुख अतिथीमा सुदुरपश्चिम प्रदेश सभा सदस्य माननिय मधु भारती रहनु भएको थियो । कार्यक्रममा कार्य समितिका पदाधिकारी, साधारण सदस्यहरु, पत्रकार ज्यूहरु, संस्थाका कर्मचारीहरुको उपश्थिती रहेको थियो ।

संस्थाको वार्षिक प्रतिवेदन संस्थाका महासचिब रुपा कौशलले प्रस्तुत गर्नुभएको थियो भने, आर्थिक प्रतिवेदन संस्थाका कोषाध्यक्ष कवितादेवि भट्टले प्रस्तुत गर्नु भएको थियो । विगत ३५ बर्ष देखि कार्यरत सँस्थाको आर्थिक वर्ष २०८१÷२०८२ अन्तरगत सञ्चालित परियोजनाहरुको लक्ष्य तथा उपलब्धि सहितको प्रतिवेदन, प्रस्तुत गरीएको थियो ।

नेपाल राष्ट्रिय समाज कल्याण संघले एउटा समतामूलक समाजको अवधारणा लाई आत्मसात गरि विभिन्न सामुदायिक विकास तथा मानवीय सेवाहरु दलित, अपाङ्गता भएका व्यक्तिहरु र पछाडी परेका समुदायहरुको क्षेत्रमा काम गरेको संस्थाका कार्यकारी निर्देशक अशोक विक्रम जैरुले बताउनु भयो ।

आरक्षपिडित, मूक्तकमैया, मूक्तकमलहरी, महिला, वालवालिका, एचआईभी संक्रमित र कुष्ठरोग प्रभावित व्यक्तिहरुका लागि सुदूरपश्चिम, लुम्बिनी र कर्णाली प्रदेशमा कार्यरत रही सेवा प्रदान गर्दै आई रहेको सक्षम दक्ष नेतृत्वदाई राष्ट्रिय स्तरको सँस्थाको हैशियतमा आफ्नो छवी कायम राख्न सफल भएको अवगत गराउन भयो ।

स्थानीय, प्रदेश तथा सँघिय सरकार सँग समन्वय तथा कार्यगत सहकार्य गरि आवश्यक्ता अनुसार प्राविधिक सहयोगहरु दिने तथा लिने कार्यहरु भैरहेको बताउनु भयो ।

स्थापनाकाल देखि नै शिक्षा, बालविकास, स्वास्थ्य, एचआईभी एड्स, अपाङ्गता, पोषण, समुदायको आर्थिक विकाश, कृषि, विपद जोखिम न्यूनीकरण, जलवायु परिवर्तन, मानवीय सेवा, सँस्थागत विकास तथा अशल शासन, महिला तथा यूवा शसक्तिकरण तथा परिचालन सम्बन्धि परियोजनाहरु सञ्चालन गर्दै आएको छ ।

साथै संस्थाको विकास र संस्थाको उत्थानशिलताका लागि मिहिनेत लगनशिलता र ईमान्दारिता आवस्यक रहेको बताउनु भयो । संस्थामा आएका बजेटहरु सम्बन्धित कार्यक्रममा पारदर्शीता हिशावले खर्च गरीनु पर्ने लक्षित वर्गको उत्थानका लागि आएका बजेटलाई उहाँहरुको क्षेत्रमा काम गर्न र खर्च गर्न निर्देशन दिनु भयो ।

यसै गरी कार्यक्रमका प्रमुख अतिथी भारतीले सुदूरपश्चिममा मात्रै नभएर संस्थाले अहिले देशमा आफनो सामाजिक क्षेत्रमा बेग्लै पहिचान बनाएको बताउनु भयो । सामाजिक क्षेत्रमा कार्य गरेको लामो अनुभव रहेको बताउँदै सामाजिक क्षेत्रमा रहेका विपन्न समुदायको लागि काम गरेको बताउनु भयो ।