खडक कोली
कञ्चनपुर,
सत्ताधारी नेकपा एमालेका महासचिव शंकर पोखरेलले काँग्रेस नेता शेखर कोईरालाले सरकारको बिरोध गर्नुको कुनै औचित्य नभएको बताएका छन ।
सोमबार महेन्द्रनगरमा प्रेस चौतारी कञ्चनपुरले आयोजना गरेकोे पत्रकार सम्मेलनमा एमाले महासचिव पोखरेलले सत्तामै रहेको दलका नेता कोईरालाले सरकारको बिरोधकोे कुनै औचित्य नभएको बताए ।
‘सत्तामा बस्ने विपक्षी दलकोे जस्तो भूमिका निर्वाह गर्ने, अनि सत्तामा हिस्सा खोज्ने शेखर जस्तीको नेताले सुहाउँदैन, ‘उनले भने, ‘एमाले नेतृत्वकोे सरकारमा बस्ने, अनि जस र हिस्सा भागेदार बन्नुपर्छ ।’
काँग्रेस नेता कोईरालाले केही दिन अघि जहाँ खाली सरकारी जमिन देख्यो, त्यही एमालेको आँखा गाडेर कब्जा गर्न थाल्यो भन्ने अभिव्यक्तिमा समेत टिप्पणी गर्दै पोखरेलले सत्ताधारी दलका नेताबाट यस्तो अभिव्यक्ति आउनु नाकारात्मक र लोकप्रियताकोे उपज भएको दावि गरेका छन ।
आफै सत्तामा बसेरको बिरोध गर्नुको कुनै तुक नभएकाले त्यसको पछि नपर्न समेत नेता कार्यकर्ताहरुलाई आग्रह गरेका छन । पोखरेलले एमाले, काँग्रेसविच आउने चुनावसम्मै सत्तासाझेदारी कायम हुने भएकाले वर्तमान सरकार नढल्ने दावि गरेका छन । विपक्षीहरुले सरकार ढल्यो भनेर अफबाह फैलाउँदैनमा सरकार नढल्ने समेत दावि गरेका छन । जनतालाई जमिनको मालिक बनाउने सरकारको अभियानमा सत्ताधारी काँग्रेसका शेखर जस्ता नेता, विपक्षी दल माओवादी सहितले साथ सर्मथन नदिएको उनको गुनोसो छ ।
नेता पोखरेलले पुर्व राष्ट्रपति विद्यादेवी भण्डारीले पाटीमा पुर्नवृति लोकतान्त्रिक मुल्य मान्यता बिरुद्धको काम भएको दावि गरेका छन । सरकारले राम्रो काम गर्दा विपक्षीहरुले बिरोधका लागि बिरोध गरिरहेको बताएका छन । पुर्व संचारमन्त्री समेत रहेका पोखरेलले संचार क्षेत्र थप सुरक्षित बलियो बनाउनका लागि मिडिया काउन्सिल विधेयक आईरहेको दावि गरेका छन ।
उनले अहिले आयात र निर्यात बढिरहेका बेला देशको आर्थिक अवस्था बलियो भएको समेत जिकिर गरेका छन । प्रेस चौतारी कञ्चनपुरका अध्यक्ष मदन गिरीको अध्यक्षतामा भएको कार्यक्रममा एमाले नेता कार्यकर्ताहरुको उपस्थिति रहेको थियो ।