सुनिल राना
कञ्चनपुर,
सरकारले ल्याउन लागेको विद्यालय शिक्षा ऐन बिरुद्धमा निजी विद्यालयका संचालक मात्रै होईन शिक्षक, कर्मचारी पनि आन्दोलनमा उत्रिएका छन ।
संघीय संसदको शिक्षा, स्वास्थ्य तथा सूचना प्रविधी समितिबाट पारित गरिएका केही बुँदाहरुमा असहमती जनाएर निजी विद्यालयका संचालक मात्रै होईन शिक्षक, कर्मचारी पनि आन्दोलनमा उत्रिएका हुन ।
बिहीबार शिक्षा, स्वास्थ्य तथा सूचना प्रविधी समितिबाट विद्यालय शिक्षा ऐन पारित भएपछि कञ्चनपुर सहित देशभर निजी विद्यालयहरुा साझा संगठन प्याब्सन र एन प्याब्सनले संयुक्त रुपमा आन्दोलन थालेको जनाएका छन । विधेयकमा निजी विद्यालय क्रसम गैर नाफामुलक बनाईनेछ । पूर्ण छात्रबृति राखेपछि प्याब्सन र एनप्याब्सनले उक्त बुद्दा खारेजीको माग अघि सारेर देशभर आन्दोलनमा उत्रिएको जनाएको छ ।
प्याब्सन कञ्चनपुरका अध्यक्ष महादेव भट्टले केन्द्रीय कार्यक्रम अन्र्तरगत शुक्रबार जिल्लामा पनि स्कुले बस सहित संचालक, शिक्षक, कर्मचारीहरुको उपस्थितिमा बिरोध प्रर्दशन गरिएको बताए ।
देशभर आन्दोलनका कार्यक्रम अन्र्तरगत ज्ञापन पत्र बुझाएर स्कुले सवारी साधन सडकमै ल्याएर आन्दोलनमा उत्रिएका हुन ।
एनप्याब्सन कञ्चनपुरका अध्यक्ष सत्येश बहादुर चन्दले निजी विद्यालयमाथि राज्यले अन्याय गरेपछि विगतका बर्षहरु जस्तै यस बर्षपनि आन्दोलनमा उत्रिएको बताए । शैक्षिक गुणस्तर प्रदान गर्दै आएका निजी विद्यालयमाथि सरकारबाट अन्याय भएको हुँदा बाध्य भएर आन्दोलनमा उत्रिनु परेको बताए । प्याब्सन नेपालका केन्द्रीय सदस्य अम्मराज भट्टले विद्यालय बन्द गरेर आन्दोलनमा उत्रिनुपर्ने जोडदिनुपर्ने बताए । उक्त समय सीमाभित्र भद्र रूपमा गरिएको आन्दोलन, सचेतना, ज्ञापनपत्र बुझाउने, अन्तरक्रिया र छलफलबाट निकास ननिस्किए अब विद्यालय बन्दसम्म गरेर आन्दोलनमा उत्रिने चेतावनी दिएका छन ।