सञ्जय महर÷सुनिल राना

कञ्चनपुर,

सरकारले ल्याउन लागेको विद्यालय शिक्षा विधेयक(ऐन) बिरुद्धमा निजी विद्यालयका संचालकहरुले निरनतर आन्दोलन गरेका छन । कञ्चनपुरका निजी विद्यालयका संचालकहरुले विद्यालय शिक्षा विधेयक(ऐन) बिरुद्धमा निजी विद्यालयका संचालकहरुले निरनतर आन्दोलन गरेका हुन । निजी विद्यालयको साझा संगठनहरु प्याब्सन, एनप्याब्सन, हिसान अपेन, एनएमए सहितको सहभागितामा बिहीबार महेन्द्रनगर बजार सहित जिल्ला प्रशासन कार्यालय कञ्चनपुरको मुल गेटमा प्रर्दशन गरेका छन ।

संघीय संसदको शिक्षा स्वास्थ्य तथा सूचना प्रविधी समितिले विद्यालय शिक्षा विधेयक पारित गरेपछि उक्त विधेयक बिरुद्धमा सडक आन्दोलनमा होमिएका निजी विद्यालयका संचालक, शिक्षक कर्मचारी र सरकारीका शिक्षक अब संगसंगै बिधेयक बिरुद्धमा देखिन थालेका हुन ।

विधेयकले निजी विद्यालय ध्वस्थ गर्नेदेखि बाल विकासका शिक्षकहरुलाई समेत शिक्षकको रुपमा घोषित नगरेको भन्दै खारेजीको विकल्प नभएको सुझाव दिएका छन । ५४ बर्षपछि आउन लागेको शिक्षा ऐन अग्रगमन भन्दा पश्चगमन भएको तर्क अघि सारेका छन ।

प्याब्सन कञ्चनपुरका अध्यक्ष महादेव प्रशाद भट्टले केन्द्रीय कार्यक्रम अनुरुप बिहीबार प्रशासनको मुल गेटमा धर्नादेखि जानकारी पत्र बुझाएको बताए । साढे पाँच दशकपछि आउन लागेको विधेयकले निजी विद्यालयका संचालकमाथि अन्याय हुने गरेको बताए ।

‘हामीले सरकारकै ऐन अनुरुप पुख्यौली सम्पती बैंकमा राखेर विद्यालय संचालनमा ल्याएका छौँ, ‘उनले भने, ‘अहिलेको ऐन निजी विद्यालय बिरोधी भएकाले खारेजीको विकल्प छैन ।’ निजी विद्यालय गैर नाफामुलक बनाउने, पूर्ण छात्रबृति दिनुपर्ने, विद्यालयमा उत्पादन नहुने पोषाक, पाठ्यपुस्तक शैक्षिक समाग्री, यातायात, खाना, खाजा र अन्य सुविधा दिलाउनुपर्ने प्रावधान खारेजी नहुँदासम्म आन्दोलन जारी राखिने चेतावनी दिएका छन । एनप्याब्सन कञ्चनपुरका अध्यक्ष सत्येश बहादुर चन्दले सरकार संचालन गरिरहेका दलहरुको दोहोरो चरित्रका कारण आफुहरु अन्यौलमा परेको बताए । चुनावका बेला जनताका दुखमा साथ दिने बताउँदै दल, तिनका नेताहरु चुनाव जितेपछि जनता बिरोधी ऐन कानुन ल्याउन उद्यत रहेको बताए । लामो समय यसमै खर्चिएकाले अब सरकारी रबैया बिरुद्धमा सशक्त आन्दोलनको चेतावनी दिएका छन । निजी विद्यालयका संचालकहरुको आन्दोलनमा कञ्चनपुरका सरकारी विद्यालयका शिक्षक, सत्ताधारी काँग्रेस, एमालेदेखि सरोकारवालाहरुले ऐक्यबद्धता जाहेर गरेका छन ।