बेल्डाँडी
कञ्चनपुर जिल्लाको दक्षिणी क्षेत्र बेल्डाँडीमा सञ्चालित खुला फुटबल प्रतियोगिताको फाइनलमा दोधारा के.एफ.सि र झिलमिला युवा समाज पुगेका छन्।
अल स्टार युवा क्लबले गौरा पर्वको उपलक्ष्यमा २०८२ भाद्र ०७ देखि १४ गते सम्म आयोजना गरेको ८औं बेल्डाँडी खुला नकआउट फुटबल प्रतियोगिता -२०८२ को फाइनलमा झिलमिला युवा समाज ‘बि’ र दोधारा के.एफ.सि पुगेको प्रतियोगिता संयोजक एवम् क्लबका उपाध्यक्ष मनोज खडायतले बताउनु भयो।
सेमिफाइनलको पहिलो खेलमा झिलमिला युवा समाज ‘बि’ ले दिप ज्योती युवा क्लब लाई २-० गोलको अन्तरले हराउदै फाइनलको यात्रा पक्का गरेको हो।
दोस्रो सेमिफाइनल खेल दोधारा के.एफ.सि र पुनर्वास नगरपालिका बिचको प्रतिस्पर्धात्मक खेलमा दुबै टिमले निर्धारित समयमा १-१ गोलको बराबरी खेल्दै निर्णय ट्राइबेकर बाट लगिएको थियो। जसमा ३-२ गोलको अन्तरले पुनर्वास लाई हराउदै दोधारा के.एफ.सि फाइनल पुग्न सफल भएको थियो।
प्रतियोगिताको फाइनल खेल भाद्र १४ गते दिउँसो १२ बजे हुने प्रतियोगिता संयोजक मनोज खडायतले बताउनु भयो। फाइनल खेल झिलमिला युवा समाज ‘बि’ र दोधारा के.एफ.सि बिच उपाधीका लागि भिडन्त हुने छ।
प्रतियोगिताको च्याम्पियन हुने टिमले नगद ८२ हजार ट्रफी प्रमाणपत्र मेड्ल,उपविजेता टिमले नगद ४५ हजार ट्रफी प्रमाणपत्र र मेडलमा चित्त बुझाउने छ। प्रतियोगितामा आयोजक टिम ३ लगायत १६ टिमको सहभागिता रहेको थियो।