कञ्चनपुर २०, कार्तिक–कैलालीमा एक होटलबाट ३ युवती सहित ७ जना पक्राउ परेका छन्। बुधबार राती बसपार्कस्थित न्यु बडिकेदारका सञ्चालक टेकेन्द्र बडैला सहितका ७ जनालाई प्रहरीले पक्राउ गरेको हो।

बेचबिखनका लागि भारततर्फ लगिरहेको भन्ने सूचनाका आधारमा होटलमा छापा हान्दा उनीहरुलाई पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरीक्षक प्रतीक विष्टले बताए।

उनका अनुसार १७, १८ र १९ वर्षीया युवती र होटल सञ्चालक बडैला सहितका ४ जना पुरुषलाई पक्राउ परेका छन्। उनीहरुलाई हिरासतमा राखेर अनुसन्धान भइरहेको प्रहरीले जनाएको छ।