फाइल फोटो

२० कात्तिक, बैतडी–बैतडीमा आफैले पालेको गोरुले हानेर एक महिलाको मृत्यु भएको छ। जिल्लाको पञ्चेश्वर गाउँपालिका ६ निवासी ६० बर्सिया जयन्ती भण्डारीको खेतमा गहुँ छर्ने क्रममा गोरुले हानेर मृत्यु भएको जिल्ला प्रहरी कार्यालय बैतडीले जनाएको हो।

गम्भीर घाइते भएकी भण्डारीलाई उपचारका लागी डडेलधुरा लगीएको थियो। त्यहाँबाट धनगढी रेफर गरिएको थियो। सेती प्रादेशिक अस्पतालमा उपचारका क्रममा उनको बुधवार मृत्यु भएको प्रहरीले जनाएको छ।