धनुषाको बडहरीमा दुर्घटना हुँदा एक जना मोटरसाइकल चालकको मृत्यु भएको छ। मिथिला नगरपालिाका वडा नम्बर ९ स्थित बडहरीमा सोमवार राति गाडीको ठक्करबाट गम्भीर घाइते भएका मिथिला नगरपालिका नम्बर ६ बस्ने ३८ वर्षीय पंचदेव साहको उपचारको क्रममा जनकपुर स्थित अस्पतालमा मृत्यु भएको हो।
ज७प ५९८६ नम्बरको मोटरसाइकलमा ढल्केवारबाट बर्दिवासतर्फ जाँदै गरेका मृतक साहलाई नम्बर खुल्न नसकेको गाडीले बडहरीमा ठक्कर दिएको थियो। मृतक साहलाई ठक्कर दिने गाडी फरार भएको छ। यसैबिच ठक्कर दिने गाडीलाई प्रहरीले नसमातेको नगरेको भन्दै ढल्केवरका स्थानीयबासीहरु मंगलवार बिहान साढे ८ बजेदेखि साढे ९ बजेसम्म पूर्वपश्चिम राजमार्ग अवरुद्ध गरेका छन्।
यता इलाका प्रहरी कार्यालय ढल्केवरका प्रहरी निरीक्षक तिर्थ कार्कीले ठक्कर दिने सवारीको खोजीकार्य तिव्र पारेकोले छिट्टै पक्राउ पर्ने आस्वस्त पारेपछि अवरुद्ध राजमार्ग सुचारु भएको छ।