कञ्चनपुरमा लागुऔषध खैरो हिरोईन सहित एक जना पक्राउ परेका छन् । जिल्लाको बेलडाँडी गाउँपालिका–३ खैरीघाटबाट लागु औषधको कारोबार गरिरहेको गोप्य सुचनाको आधारमा सुदूरपश्चिम प्रदेश प्रहरी कार्यालय अन्तर्गतको क्षेत्रीय अनुसन्धान समुह आरआईटी र जिल्ला प्रहरी कार्यालय कञ्चनपुर तथा मातहतबाट खटिएको संयुक्त प्रहरी टोलीले बेलौरी नगरपालिका वडा नम्बर १० शिवनगर बस्ने ५७ वर्षीय टिका बहादुर केसीलाई सोमबार साँझ पक्राउ गरेको हो ।

उनको साथबाट ११ ग्राम १६० मिलिग्राम लागु औषध खैरो हिरोईन समेत बरामद गरिएको प्रहरी निरीक्षक राजेश शाहीले जानकारी दिए ।पक्राउ परेका केसीलाई कानुन बमोजिम थप अनुसन्धान गरी कारबाही प्रक्रिया अगाडि बढाइने कञ्चनपुर प्रहरीले जनाएको छ ।