कञ्चनपुरमा श्रीमानसँग अभद्र व्यवहार गरेको आरोपमा श्रीमती सहित एकजना पक्राउ परेका छन्। जिल्लाको बेलौरी नगरपालिका–६ का स्थानीय विनोद नेपालीले परपुरुष सँग श्रीमतीले कोठामा समय गुजारेको पाएपछि कोठा भित्र थुनेर प्रहरीलाई खबर गरेका थिए।
नेपालीले ३८ वर्षीया श्रीमती र विवेक लम्सालले उल्टै आफूमाथि अभद्र व्यवहार गरेपछि प्रहरीमा दिएको जाहेरीका आधारमा पक्राउ गरिएको कञ्चनपुर प्रहरीले जनाएको छ। परपुरुष सँग विगत समयदेखि नै अबैधसम्पर्कमा रहेकी श्रीमतीलाई सोमबार साँझ कोठामा भेटेपछि उनले उजुरी दिएको बताए। जिल्ला प्रहरी कार्यालयका प्रवक्ता अमर बहादुर थापा क्षेत्रीले म्याद थप गरी अनुसन्धान भइरहेको बताए। उनले आवश्यक कारबाही गरिने बताए।
प्रतिक्रिया दिनुस