डोटीमा एक २७ वर्षिय शिक्षक मृत फेला परेका छन्। जिल्लाकाजोरायल गाउँपालिका – १ बस्यानी निवासी डम्बरदत्त भट्टराई बिहिबार बिहान घर नजिकै मृत भेटिएका हुन्। स्थानीय भुमिराज केदार आधारभूत विद्यालयमा निजि श्रोतमा कार्यरत शिक्षक भट्टराई हिजो बुधबार विद्यालयबाट फर्किनेबेला वेपत्ता थिए।
हिजो घरपरिवारले खोजी गरे पनि भेटाउन नसकेको र विहिबार बिहान दुध बेच्न जान लागेका बालबालिकाले मृत अवस्थामा भेटाएको जनाइएको छ। बुडर प्रहरी चौकी इन्चार्ज नरेन्द्र टमाटा नेतृत्वको टोली बिहानैदेखि घटनास्थलमा रहेको छ। घटनाको विस्तृत अनुसन्धानका लागि जिल्ला प्रहरी कार्यालय डोटीका इन्स्पेक्टर कान्तिराज जोशी नेतृत्वको टोली खटाइएको जिल्ला प्रहरी कार्यालय डोटीका प्रहरी उपरीक्षक दान बहादुर मल्लले जानकारी दिए।
प्रतिक्रिया दिनुस