कञ्चनपुरमा मोटरसाइकलको ठक्करबाट एक जना पैदल यात्रीको मृत्यु भएको छ। जिल्लाको कृष्णपुर नगरपालिका वडा नम्बर ३ का ५८ वर्षीय जनकलाल चौधरीको मोटरसाइकलको ठक्करबाट मृत्यु भएको हो।

शुक्रबार साँझ कञ्चनपुरको कृष्णपुरदेखि अत्तरियातर्फ आउदै गरेको से ७ प १४०२ नम्बरको मोटरसाइकलले ठक्कर दिँदा गम्भीर घाइते भएका चौधरीको शनिबार विहान उपचारकै क्रममा मृत्यु भएको प्रदेश ट्राफिक प्रहरी कार्यालय अत्तरियाले जनाएको छ। मोटरसाइकल चालक धनगढी उप–महानगरपालिका वडा नम्बर ३ का मदन रानालाई प्रहरीले नियन्त्रणमा लिएको छ।