मोटरसाइकल दुर्घटनामा परि कञ्चनपुरका एक जनाको मृत्यु भएको छ। सीमावर्ती बजार सम्पुर्णनगरमा मोटरसाइकल दुर्घटना हुँदा जिल्लाको बेलौरी नगरपालिका –६ का राजु बोहराको मृत्यु भएको हो।
शनिवार साँझ भारतको उत्तर प्रदेश स्थित सम्पुर्णानगर बजार नजिकै सडक खण्डमा मोटरसाइकल दुर्घटना हुँदा चालक बोहराको घटनास्थल मै मृत्यु भएको जिल्ला प्रहरी कार्यालय कञ्चनपुरले जनाएको छ। पछाडि सवार हात्ती बोझाका ३० बर्षिया शिव दत्त रानाको उपचार भइरहेको जिल्ला प्रहरी कार्यालय कञ्चनपुरका प्रहरी नायव उपरीक्षक अमर बहादुर थापा क्षेत्रीले जानकारी दिए।
हावाहुरीले सडकछेउमा लर्किएको रुखमा मोटरसाइकल ठोक्किँदा मोटरसाइकल दुर्घटनामा परेको हुन सक्ने प्रहरीले आङ्कलन छ। भारतको लखिमपुरमा शवको पोस्टमार्टम भइरहेको छ। मृतक बोहरा महाकाली माध्यमिक विद्यालयका पूर्व प्रधानाध्यापक प्रेम सिंह बोहराका माहिला छोरा हुन्। यस अघि पनि उनका ज्येष्ठ छोरा (प्रहरी निरीक्षक) स्व.केशव बोहराले टिकापुर घटनामा ज्यान गुमाएका थिए।
प्रतिक्रिया दिनुस