कैलालीमा मोटरसाइकल दुर्घटना हुँदा एक जनाको मृत्यु भएको छ। दुर्घटनामा परि जिल्लाको टिकापुर नगरपालिका –१ बस्ने ६० वर्षीय राजु चन्दको मृत्यु भएको हो।

गए राति सतीबाट टिकापुर आउँदै गर्दा से ७ प १३४८ नम्बरको मोटरसाइकल अनियन्त्रित भएर टिकापुर ५ मौरा नियामा दुर्घटनामा परेको थियो। मोटरसाइकलमा सवार सोही ठाउँका ४५ वर्षीय अनिल जोशी घाइते भएका छन्। जोशीको टाउकोमा चोट लागेको छ। उनको नेपालगन्जस्थित भेरी अस्पतालमा उपचार भइरहेको प्रदेश ट्राफिक कार्यालय अत्तरियाले जनाएको छ।