कैलाली, १२ वैशाख – डडेल्धुरामा ट्याक्टर दुर्घटना हुँदा कैलालीका एक युवकको मृत्यु भएको छ । अजयमेरु गाउँपालिका १ इरानी खोलामा से २ त १४ ७२ नम्बरको ट्याक्टर दुर्घटना हुँदा चालक कैलालीको गौरीगङ्गाका प्रेम खड्काको मृत्यु भएको जिल्ला प्रहरी कार्यालय डडेल्धुराले जनाएको हो।

जिल्ला प्रहरी कार्यालय डडेल्धुराका प्रहरी निरीक्षक हर्ष बहादुर चन्दका अनुसार ट्याक्टर दुर्घटनामा कैलालीको चुरे गाउँपालिकाका पवन सिजापती मगर घाइते भएका छन् । कच्ची सडक र उकालो भएको हुँदा नियन्त्रण गुमाएर ट्याक्टर दुर्घटना भएको उनले बताए ।