सरकारले देशभरका बिद्यालयहरुमा पूर्व निर्धारित सबै परीक्षा स्थगित गरेको छ। कोभिड–१९ संकट व्यवस्थापन सञ्चालन केन्द्र सीसीएमसीको आइतबार बसेको बैठकले पूर्व निर्धारित सबै परीक्षा स्थगित गर्ने निर्णय गरेको हो।

प्रेस विज्ञप्ति सावैजनिक गर्दै सबै परीक्षा अर्को आदेश नआउँदा सम्मका लागि स्थगित गर्ने निर्णय गरेको उल्लेख गरिएको छ ।कोरोनाको जोखिम कम भएपछि उपयुक्त समयमा परीक्षाको नयाँ तालिका तय गरिने पनि विज्ञप्तीमा उल्लेख गरिएको छ।
सोमबारदेखिका सबै परीक्षा स्थगित गर्ने सीसीएमसीले निर्णय गरे पनि जेठमा हुने एसईई परीक्षाका सम्बन्धमा भने कुनै निर्णय भएको छैन।