काठमाडौँ– पछिल्लो समय कोरोना भाइरसबाट संक्रमित हुनेको साथसाथै मृत्यु हुनेको संख्या पनि दिनानुदिन बढ्दै गएको छ।
बुधबार एकैदिन देशभर २४६ जना कोरोना संक्रमितको मृत्यु भएको छ। यो एकैदिन कोभिड संक्रमणबाट मृत्यु भएकाहरुको संख्यामध्ये अहिलेसम्मकै उच्च हो।
यससँगै नेपालमा हालसम्म कोरोनाबाट ज्यान गुमाउनेको संख्या ५ हजार ६५७ पुगेको छ। यसैगरी नेपालमा पछिल्लो २४ घण्टामा थप ८ हजार १७३ जनामा कोरोना भाइरसको संक्रमण पुष्टि भएको छ। बुधबार काठमाडौँ उपत्यकामा २ हजार ४८६ कोरोना संक्रमित थपिएका छन्।
मन्त्रालयका अनुसार काठमाडौँमा १ हजार ९ सय ८८, भक्तपुरमा २२८ र ललितपुरमा २७० जना संक्रमित थपिएका हुन्।