नेपालमा एकैदिन थप ८ हजार ३ सय ५ जनामा कोरोना संक्रमण पुष्टि भएको छ भने ६ हजार ५ सय ४३ जना संक्रमण मुक्त भएका छन् । यो सँगै कोरोना जित्नेको संख्या ३ लाख ६६ हजार ९ सय ४६ पुगेको स्वास्थ्य तथा जनसंख्या मन्त्रालयले जनाएको छ । आज काठमाडौं उपत्यकामा ३ हजार २ सय ३२ जनामा संक्रमण पुष्टि भएको छ । जसमध्ये काठमाडौंमा २ हजार ६ सय, भक्तपुरमा २ सय २९ र ललितपुरमा ४ सय ३ जना थपिएका छन् ।

आज थप १ सय ९० जना संक्रमितको मृत्यु भएको छ । हालसम्म कोरोना संक्रमणबाट मृत्यु हुनेको संख्या ५ हजार ८ सय ४७ पुगेको मन्त्रालयले जनाएको छ । हाल नेपालमा १ लाख १५ हजार ८ सय ५२ जना सक्रिय संक्रमित छन् । जसमध्ये १ लाख ८ हजार ३८ जना होम आइसोलेसनमा छन् भने ७ हजार ८ सय १४ जना संस्थागत आइसोलेसनमा छन् । अहिले १ हजार ७ सय ४८ जन संक्रमित आईसियुमा उपचारत छन् । त्यसमध्ये ४ सय ९२ जना भेन्टिलेटरमा छन् ।