महेन्द्रनगर । कञ्चनपुरको बेल्डाँडी गाउँपालिकामा एक युवक संकास्पद अवस्थामा मृत फेला परेका छन् । वडा नम्बर १ लक्ष्मीटोलका केशब दत्त भट्टका २३ वर्षीय छोरा जनकराज भट्ट शनिबार विहान मृत फेला परेको प्रहरीले जनाएको हो ।
गय राती साथीहरु सँगै सुतेका भट्टले बिहान ९ बजेसम्म ढोका नखोलेपछि खोजीगर्दा मृत फेला परेको आफ्न्तले बताएका छन् । भट्ट सँगै रहेका सोही ठाउँका प्रसान्त धामीलाई नियन्त्रणमा लिएर सोधपुछ भइरहेको इलाका प्रहरी कार्यालय बेल्डाँडीले जनाएको छ । इलाका प्रहरी बेल्डाँडीका सई टेकसिंह कार्कीले भने,–‘मृत्युको जानकारी पाएलगत्तै घटनास्थलको जाँच र प्रारम्भीक अनुसन्धान बाट मृत्यु संकास्पद देखीएकाले पोष्टमार्टमका लागी महाकाली अस्पताल पठाएका छौँ’। उनको हत्या या अन्य के कती कारणले मृत्यु भएको हो थप अनुशन्धान भइरहेको उनले जनाए ।
उनको शव महाकाली अस्पतालमा राखीएको छ । पोष्टमार्टम पस्चात घटनाको थप अनुसन्धान अगाडी बढाइने जिल्ला प्रहरी कार्यालय कञ्चनपुरले जनाएको छ ।
भट्ट एक हप्ता अघि बैदेशिक रोजगारीबाट घर फर्किएका थिए ।