धनतेरसको दिन सुन र चाँदीको मूल्य बढेको छ । यमपञ्चक सुरु हुने दिने आज सुनचाँदीका गरगहनाको माग उच्च हुने गर्छ । आज नेपाली बजारमा हिजोको तुलनामा सुन र चाँदी दुवैको मूल्य बढेको छ । सोमबार ९१ हजार ८०० रुपैयाँ प्रतितोला कारोबार भएको छापावाला सुन आज २०० रुपैयाँ बढेर तोलाको ९२ हजारमा कारोबार भइरहेको छ ।

त्यस्तै, तेजाबी सुन सोमबार प्रतितोला ९१ हजनार ३०० मा कारोबार भएकोमा आज प्रतितोला २०० ले बढेर ९१ हजार ५०० मा कारोबार भइरहेको नेपाल सुनचाँदी व्यवसायी महासंघले जनाएको छ । सुनसँगै चाँदीको मूल्य पनि तोलामा पाँच रुपैयाँले बढेको छ । चाँदी सोमबार प्रतितोला एक हजार २४५ रुपैयाँमा कारोबार भएकोमा आज प्रतितोला पाँच रुपैयाँले बढेर तोलाको एक हजार २५० रुपैयाँमा कारोबार भइरहेको छ ।