काठमाडौँ । नेपाली सेनाले लघु चलचित्र प्रतियोगिताको १० औं संस्करण नेपाली सेना लघु चलचित्र प्रतियोगिता–२०७८ गर्ने घोषणा गरेको छ । यसका लागि सेनाले सेनासँग सम्बन्धित गतिविधि तथा सेनाको छवि उजागर हुने गरी रचनात्मक स्क्रिप्ट छनौट गर्ने बताइएको छ । सेनाले ०६७ बाट लघु चलचित्र प्रतियोगिता आयोजना गर्दै आएकोमा यस वर्ष पनि सो प्रतियोगितालाई निरन्तरता दिन लागेको हो । लघु चलचित्र प्रतियोगितामा भाग लिन ईच्छुक व्यक्ति तथा संघरसंस्थाले सेना सम्बन्धी रचनात्मक तथा नागरिक दृष्टिकोणमा नेपाली सेना र सेनाले गरेका एवम् गरिरहेका कार्यहरु झल्किने विषय–वस्तुमा आधारित रही प्रतियोगितामा भाग लिन सक्ने सेनाको जनसम्पर्क तथा सूचना निर्देशनालयले जनाएको छ ।
प्रतियोगिताको लागि फारम वितरण पुस १ गते हुने र १५ भित्र बुझाइसक्नुपर्ने, पुस ९१८–१९० अन्तरक्रिया कार्यक्रम र २ माघमा स्क्रिप्ट बुझ्ने बताइएको छ । यस बारे नेपाली सेनाको आधिकारिक वेबसाइट तथा सेनाको फेसबुक पेजमा समेत राखिएको छ ।