काठमाडौं – कतार एअरवेज सहिद स्मारक ए डिभिजन लिगमा थ्री स्टार क्लबले जित हात पारेको छ। दशरथ रंगशालामा शनिबार भएको खेलमा थ्री स्टारले जावलाखेल युथ क्लबलाई २–१ ले पराजित गरेको हो। थ्री स्टारलाई जित दिलाउन आयुष घलान र ऋतिककुमार खड्काले समान एकएक गोल गरेका थिए भने जावलाखेलका लागि निकोलस फर्नान्डेजले एक गोल फर्काएका थिए।

जितसँगै थ्री स्टार अंक तालिकाको पाँचौं स्थानमा उक्लेको छ। थ्री स्टारले ७ खेलमा १०अंक जोडेको छ। एनआरटीको पनि समान अंक रहेपनि गोलसंख्याका आधारमा छैटौँ स्थानमा छ। पराजित जावलाखेल ७ अंकसहित नवौं स्थानमा छ।