कञ्चनपुर । कञ्चनपुरको लक्ष्मी माध्यामिक विद्यालयका विद्यार्थीले अनाथालयमा फलफुल वितरण गरेका छन । सोमबार एक कार्यक्रमका विच भीमदत्त नगरपालिका १९ बागफाँटाको लक्ष्मी माविका विद्यार्थीले अनाथालयमा फलफुल वितरण गरेका हुन ।
तिहारका बेला देउसीभैलो खेलेर संकलन भएको रकमबाट विद्यार्थीले महेन्द्रनगरमा रहेको महाकाली बाल अनाथालयमा फलफुल वितरण गरेको विद्यालयले जनाएको छ । लक्ष्मी माविका प्रधानाध्यापक प्रमानन्द नाथले समाजिक कार्य गने उदेश्यले विद्यार्थी र विद्यालय, शिक्षक कर्मचारीले अनाथानालयमा केरा, स्याउ, सुन्तला वितरण गरिएको बताए ।
‘विद्यार्थीले देउसी खेलेको केही रकमबाट हामीले अनाथालयमा फलफुल वितरण गरेका छौँ, ‘प्रअ नाथले भने, ‘बाँकी रकम नमुना विद्यालयको शैक्षिक अवलोकन भ्रमणमा खर्च गरिनेछ ।’ फलफुल वितरण कार्यक्रममा प्रअ नाथ सहित सहायक प्रअ प्रेमप्रकास जोशी लगायतक शिक्षक, कर्मचारी, विद्यार्थीको उपस्थिति रहेको थियो । विद्यालयले गत बर्ष समेत अनाथालयमा फलफुल वितरण गरेको थियो ।