किशोर तामाङ्ग
कञ्चनपुरको दक्षिणी भेग स्थित पुनर्वासमा इलाका प्रहरी कार्यालय त्रिभुवनबस्तीका प्रमुख प्रहरी निरीक्षक महेश बिक्रम शाही को कमाण्डमा खटिएको टोलीले रात्री को समयमा पुनर्वास नगरपालिका ७ स्थित बुद्ध बस्तीमा खटखटे नियन्त्रणमा लिन खोज्दा खडखडे टोली र प्रहरी बिच लफडा भएको छ ।
उक्त लफडामा तोडफोड हुनुका साथै प्रहरी निरीक्षक माथी हातपात भएको छ । प्रहरी निरीक्षक शाही को कानमा चोट लागेको, भ्यानको अगाडीको सीसा र पछाडीको छानोमा समेत क्षति पुगेको प्रहरी श्रोतले जानकारी दिए ।
आक्रमणमा परेका ईन्स्पेक्टर शाहीको पुनर्वास नगरपालिका–६ स्थित टाउन हस्पिटलमा सामान्य उपचार भए पश्चात अहिले अवस्था सामन्यनै रहेको बताइएको छ । सवारी साधन र प्रहरीहरू माथी आक्रमण गर्ने हरूको पहिचान गरि कानुन बमोजिम कारबाही गरिने प्रहरी निरिक्षक शाहीले जानकारी दिए।
प्रतिक्रिया दिनुस